សកម្មភាពការងារមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ ថ្ងៃអង្គារ ១៤កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែមិថុនា ឆ្នាំ២០១៨

-សីតុណ្ហភាពនៅស្ថានីយ៍កំពង់ធំៈ

+អតិបរមា 34.5°C

+អប្បរមា 23.5°C

-យប់មិញមានភ្លៀងធ្លាក់នៅស្រុកប្រាសាទបល្ល័ង្ក25.2ម.ម

-កំពស់ទឹកស្ទឹងសែននៅស្ថានីយ៍ កំពង់ធំកំពស់8.24ម ទឹកស្រកចុះ0.23ម ធៀបនឹងព្រឹកម្សិលមិញ

-លោក ធីវ វណ្ណធីរ ប្រធានមន្ទីរកសិកម្ម រុក្ខាប្រមាញ់ និងនេសាទ និងសហការីព្រមទាំងអាជា្ញធរមូលដា្ឋន,អង្គការ AFD ព្រមទាំងបុគ្គលិក ក្រុមប្រឹក្សាភិបាល បានរៀបចំពិធីដាំកូនឈើ នៅសហគមន៍ព្រៃឈើ ឃ្មុំស្រករថ្លុកឬស្សី នៅឃុំត្រពាំងឬស្សី ស្រុកកំពង់សា្វយ

-លោក ស៊ីវ ឈឿន ប្រធានការិយាល័យអភិវឌ្ឍន៍សហគមន៍កសិកម្ម និងសហការីបានសហការ ជាមួយអង្គការ ពុទ្ធសាសនា ដើម្បីអភិវឌ្ឍន៍សាខាកំពង់ធំ បើកវគ្គបណ្តុះបណ្តាលពីការចុះបញ្ជីគណនេយ្យ សម្រាប់សហគមន៍កសិកម្ម (ទម្រង់ថ្មី) ដល់សហគមន៍កសិកម្មចំនួន១៥សហគមន៍ អ្នកចូលរួម៤៥នាក់ ស្រី១១នាក់

 -មន្រី្តផ្នែកសហគមន៍ចូលរួមចុះត្រួតពិនិត្យ កែលម្អការកែច្នៃប្រកបដោយអនាម័យ និងពិភាក្សាក្រុមក្នុងការបង្កើតក្រុមសន្សំប្រាក់ដល់ក្រុមអ្នកកែច្នៃខ្នាតតូច សរុបអ្នកចូលរួមចំនួន៦៣នាក់ ស្រី៥០នាក់ នៅតំបន់គោលដៅឃុំតាំងក្រសាំង ស្រុកសន្ទុក សម្របសម្រួលដោយអគ្គនាយកដ្ឋានកែច្នៃ និងគុណភាពគាំទ្រដោយអង្គការ OXFAM

-លោកស្រី ម៉ែន ចាន់ធឿន ប្រធានការិយាល័យផ្សព្វផ្សាយកសិកម្ម បានចូលរួមបើកសាលារៀនស្រែកសិករស្តីពីផលិតកម្មគ្រាប់ពូជស្រូវ នៅភូមិចំបក់ សង្កាត់ស្រយូវ ក្រុងស្ទឹងសែនមានកសិករចូលរួម ២៧នាក់ ស្រី២៤នាក់

-លោក ម៉ក់ យុទ្ធនា អនុប្រធានមន្ទីរ លោក រឿង សូផាត នាយរងខណ្ឌរដ្ឋបាលព្រៃឈើ លោក ដៀប ពិសិដ្ឋ ប្រធានការិ.កៅស៊ូ លោក ហុង សេងហាក់ ប្រធានការិ.កសិ ឧស្សាហកម្ម ចូលរួមត្រួតពិនិត្យ និងវាយតម្លៃថ្លៃសម្បទានសេដ្ឋកិច្ចចូលថវិការដ្ឋ ជាមួយគណៈកម្មាធិការអន្តរក្រសួង ដឹកនាំដោយ ឯកឧត្តម គុយ ម៉ារិនឌី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ នៅក្រុមហ៊ុនវៀតណាម ដាំកៅស៊ូ ចំនួន៥ ក្នុងស្រុកបារាយណ៍ ។