# ខេត្តកំពង់ធំ
សិក្ខាសាលាថ្ងៃទី១
ថ្ងៃព្រហស្បតិ៍ ៤រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៤ ខែមករា ឆ្នាំ២០១៩ ក្រោមកិច្ចសហការរវាងក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថានបានរៀបចំសិក្ខាសាលាស្ដីពី "គោលការណ៍ណែនាំនៃការបញ្រ្ចាបបច្ចេកទេសសម្រាប់ពិពិធកម្មដំណាំនៃកសិកម្មវៃឆ្លាតនឹងអាកាសធាតុ" ដោយមានការអញ្ចើញជាគណៈអធិបតី ពីឯកឧត្តមសាស្ត្រាចារ្យបណ្ឌិត សាបូ អូហ្សាណូ រដ្ឋលេខាធិការ ក្រសួងបរិស្ថាន លោកជំទាវបណ្ឌិត ចាន់ ផលលឿន អនុរដ្ឋលេខាធិការ ក្រសួង កសិកម្ម រុក្ខាប្រមាញ់ និងនេសាទ ឯកឧត្តម ជួប ប៉ារីស អគ្គលេខាធិការក្រុមប្រឹក្សាអភិវឌ្ឍន៍ដោយចីរភាព នៃក្រសួងបរិស្ថាន លោកបណ្ឌិត សរ ចិត្រា អគ្គលេខាធិការងក្រសួងកសិកម្ម រុក្ខាប្រមាញ់ និងនេសាទ អ្នកជំនាញការ តំណាងអង្គភាពពាក់ព័ន្ធក្រោមឱវាទក្រសួងកសិកម្ម រុក្ខាប្រមាញ់ និងនេសាទ និងមន្រ្តីរាជការនៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ ដែលមានសមាសភាពចូលរួមសរុបចំនួន ៤៥នាក់ ស្រីចំនួន ១០នាក់ ។
សិក្ខាសាលានេះមានគោល បំណង ពិនិត្យឡើងវិញទៅលើសេចក្តីព្រាងគោលការណ៍ណែនាំស្ដីពីការបញ្ច្រាបបច្ចេកទេសសម្រាប់ពិពិធកម្មដំណាំនៃកសិកម្មវ័យឆ្លាតនឹងអាកាសធាតុ រួមទាំងប្រមូលអនុសាសន៍ដើម្បីធ្វើការកែលម្អ ។
