#ខេត្តកំពង់ធំ

រសៀលថ្ងៃព្រហស្បតិ៍ ១២កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៥ ខែមីនា ឆ្នាំ២០២០ លោក ប៉ែន វណ្ណរិទ្ធ ប្រធានមន្ទីរ កសិកម្ម រុក្ខាប្រមាញ់ និងនេសាទខេត្តកំពង់ធំ និងលោកស្រី បានអញ្ជើញជាគណៈអធិបតីក្នុងពិធីអបអរសាទរខួបលើកទី១០៩ ទិវាអន្តរជាតិ នារី ៨មីនា ឆ្នាំ២០២០ ក្រោមប្រធានបទ:មានសន្តិភាព មានការលើកកម្ពស់សមភាពយេនឌ័រ ។

ក្នុងឱកាសនោះ លោកប្រធានបានជួបសំណេះសំណាល និងប្រគល់កាដូរអនុស្សាវរីយ៍ដល់មន្ត្រីជានារី ដែលបំពេញការងារ នៅមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ ។ លោកបានមានប្រសាសន៍ថា មន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ បាន និងកំពុងយកចិត្តទុកដាក់លើស្រ្តី ដោយផ្ដល់អាទិភាពក្នុងការតែងតាំងជាស្រ្តី ហើយកន្លងមកថ្មីៗនេះមន្ទីរបានតែងតាំងស្រ្តីជាថ្នាក់ដឹកនាំការិយាល័យបានចំនួន ០៣នាក់ ក្នុងចំណោមមន្រ្តី ០៩នាក់ដែលត្រូវបានតែងតាំង ។