#ខេត្តកំពង់ធំ
នាព្រឹកថ្ងៃពុធ ៨កេីត ខែពិសាខ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី២៩ ខែមេសា ឆ្នាំ២០២០ លោក ប៉ែន វណ្ណរិទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ និងលោកប្រធានការិយាល័យក្សេត្រសាស្រ្ត និងផលិតភាពកសិកម្ម ព្រមទាំងសហការី បានចុះពិនិត្យតាមដាន និងវាយតម្លៃ ស្ថានភាពបង្ករបង្កើនផលស្រូវដើមរដូវវស្សា ព្រមទាំងសំណេះសំណាលជាមួយកសិករ នៅភូមិព្រែកស្បូវ សង្កាត់អូរកន្ធរ ក្រុងស្ទឹងសែន ។
លោកប្រធានមន្ទីរបានណែនាំបន្ថែមដល់កសិករពីបច្ចេកទេសកៀពង្រាបដី ការជ្រេីសរេីសពូជ និងការថែទាំដំណាំស្រូវ ។ លោកប្រធានក៏បានណែនាំឱ្យកសិករចេះស្វែងរកទីផ្សារផងដែរ ដោយលោកប្រធានបានណែនាំ និងជំរុញឲ្យកសិករចេះចងក្រងជាបណ្ដុំ និងធ្វើផលិតកម្មតាមកិច្ចសន្យា ដើម្បីធានាបាននូវតម្លៃ ។
