#ខេត្តកំពង់ធំ

សកម្មភាពការងារមន្ត្រីនៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ ថ្ងៃអង្គារ ១២ កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០២ ខែមិថុនា ឆ្នាំ២០២០៖
១.ការងារការិយាល័យផលិតកម្ម និងបសុព្យាបាល
-ផ្នែកបសុព្យាបាល ចុះបាញ់ថ្នាំសម្លាប់មេរោគទៅលើរថយន្ត ០១គ្រឿងមុនពេលដឹកជញ្ជូនសត្វគោ-ក្របី បន្ទាប់មកចុះពិនិត្យអនាម័យសត្វទា ពេលដឹកជញ្ជូននៅកសិដ្ឋានចិញ្ចឹមទាចំនួន ៣៥០ក្បាល របស់លោក ប៉ា ធូ ស្ថិតនៅភូមិព្រៃបន្លិច សង្កាត់អាចារ្យលាក់ សង្កាត់ស្ទឹងសែន
-ផ្នែកសុខភាពសាធារណ ចុះពិនិត្យអនាម័យផលិតផលមានដើមកំណើតពីសត្វនៅសត្តឃាតក្រុងស្ទឹងសែន។
២.ការងារខណ្ឌរដ្ឋបាលព្រៃឈើ
-នាយរងខណ្ឌរដ្ឋបាលព្រៃឈើ ផ្នែករដ្ឋបាលព្រៃឈើកំពង់ថ្ម សង្កាត់រដ្ឋបាលព្រៃឈើក្រយា សង្កាត់រដ្ឋបាលព្រៃឈើបារាយណ៍ សង្កាត់រដ្ឋបាលព្រៃឈើតាំងក្រសាំង បន្តចុះដោះស្រាយទំនាស់ដីធ្លីរវាងប្រជាពលរដ្ឋជាមួយក្រុមហ៊ុនសម្បទានដីសេដ្ឋកិច្ច នុភាព សុភី នៅឃុំក្រយា ស្រុកសន្ទុក ដឹកនាំដោយ ឯកឧត្តម សុក ហៃ អភិបាលរងខេត្ត
-សង្កាត់រដ្ឋបាលព្រៃឈើតាំងក្រសាំង សហការជាមួយក្រុមប្រឹក្សាស្រុកសន្ទុក ព្រះសង្ឃ គណៈកម្មការ តាជី ដូនជី វត្តប្រសាទ រួមជាមួយប្រជាពលរដ្ឋភូមិប្រសាទ ឃុំប្រសាទ ស្រុកសន្ទុក ប្រារព្ធពិធីដាំកូនឈើនៅក្នុងបរិវេណវត្តប្រសាទ ដើម្បីទុកជា សម្បត្តិវត្ត កូនឈើទាំងនេះផ្តល់ជូនដោយ លោក មុំ សុផល នាយផ្នែករដ្ឋបាលព្រៃឈើកំពង់ថ្ម ដែលរួមមានប្រភេទគគីរ ចំនួន ៣០០ដើម និងប្រភេទក្ងោក ចំនួន ៤០ដើម
-ផ្នែករដ្ឋបាលព្រៃឈើសណ្តាន់ សង្កាត់រដ្ឋបាលព្រៃឈើសណ្តាន់ សង្កាត់រដ្ឋបាលព្រៃឈើទំរីង មេឃុំសណ្តាន់ សមាជិកសហគមន៍ព្រៃឈើអូរតាគង់ ដឹកនាំដោយលោក ឡង គីសឹង អភិបាលស្រុកសណ្តាន់ សហការជាមួយកម្លាំង កងរាជអាវុធហត្ថ នគរបាលស្រុកសណ្តាន់ ប្រជាការពារភូមិ សរុបចំនួន ៣១នាក់ ចុះស្រាវជ្រាវ និងបង្ក្រាបការកាប់រុករាន ដីព្រៃឈើយកដីធ្វើកម្មសិទ្ធិ ក្នុងព្រៃឈើសហគមន៍អូរតាគង់ ស្ថិតក្នុងភូមិជាំរំដួល ឃុំសណ្តាន់ លទ្ធផលមានការលួច កាប់រានព្រៃជាស្បែកខ្លាជាច្រើនក្នុងព្រៃសហគមន៍ និងកំពុងធ្វើសាវតាជាតិ និងបានរាប់ចំនួនឡដុតធ្យូង ក្នុងព្រៃសហគមន៍បានមួយដើម្បីវាយកំទេចនៅពេលក្រោយ ហើយជនល្មើសបានលួចរុះរើយកក្តារស្នាក់ការ សហគមន៍ព្រៃឈើអស់មួយចំនួន និងកំពុងស្រាវជ្រាវរកអ្នកប្រព្រឹត្តិ។
៣.ការងារការិយាល័យក្សេត្រសាស្ត្រ និងផលិតភាពកសិកម្ម
-លោក អ៊ឹម ប៊ុនថាន ប្រធានការិយាល័យ ចុះបណ្តុះបណ្តាលបច្ចេកទេសដាំដុះដំណាំស្រូវ នៅឃុំមានជ័យ ស្រុកសណ្ដាន់ ដែលមានកសិកចូលរួមចំនួន ៣៣នាក់ ស្រី្តចំនួន ០៩នាក់
-លោក កៀង រ៉ាអុល មន្រ្តីការិយាល័យ ចូលរួមសិក្ខាសាលា ស្ដីពីបច្ចេកទេសក្រោយប្រមូលផល នៅខេត្តកំពង់ចាម។
៤.ការងារការិយាល័យកសិឧស្សាហកម្ម
-លោក ហុង សេងហាក់ ប្រធានការិយាល័យ និងលោក រៀម ឆេងឡាយ មន្រ្តីការិយាល័យ បន្តចូលរួមដោះស្រាយវិវាទដីធ្លី រវាងប្រជាពលរដ្ឋ ជាមួយក្រុមហ៊ុននុភាពសុភី ស្ថិតនៅឃុំក្រយា ស្រុកសន្ទុក ក្រោមអធិបតីភាពឯកឧត្ដម សុក ហៃ អភិបាលរងខេត្ត និងជាប្រធានក្រុមការងារដោះស្រាយវិវាទ
- លោក សំរឹត គ្រុយ អនុប្រធានការិយាល័យ ចូលរួមបណ្ដុះបណ្ដាលបច្ចេកទេសដំណាំស្រូវដល់កសិករបណ្ដុំអាជីវកម្មដំណាំ នៅឃុំមានជ័យ ស្រុកសណ្ដាន់ គាំទ្រថវិការដោយកម្មវិធី ASPIRE