#ខេត្តកំពង់ធំ់

នារសៀលថ្ងៃព្រហស្បតិ៍ ១៤កើត ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៤ ខែមិថុនា ឆ្នាំ២០២០ នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ មានកិច្ចប្រជុំស្តីពី ការប្រមូលចំណូល ដោយអនុវត្តតាមប្រកាសរួមលេខ ១០១៣ សហវ.ប្រក លើកាងារសុខភាពសត្វ និងផលិតកម្មសត្វ ដោយមានការចូលរួមពី លោក កាន់ សាឡន អនុប្រធានមន្ទីរ តំណាង លោក ប៉ែន វណ្ណរិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ធំ លោកប្រធានអង្គភាពច្រកចេញចូលតែមួយរបស់រដ្ឋបាលខេត្ត លោកស្រីនាយិកាទីចាក់ការហិរញ្ញវត្ថុរបស់សាលាខេត្ត និងមន្ត្រីពាក់ព័ន្ធផ្សេងៗរួមមាន លោកប្រធានការិយាល័យផែនការគណនេយ្យ លោកប្រធានការិយាល័យផលិតកម្ម និងបសុព្យាបាល និងមន្រ្តីជាភ្នាក់ងារទទួលប្រាក់ចំណូលទាំងអស់ ។