សកម្មភាពការងារថ្ងៃទី២៦ ខែឧសភា ឆ្នាំ២០២៣ I. លោក ឈ បៀងគង់ អនុប្រធានមន្ទីរកសិកម្ម រុក្ខាប្រមាញ់និងនេសាទខេត្តកំពង់ធំ និងលោក ប៊ុន សុធី នាយខណ្ឌរដ្ឋបាលព្រៃឈើកំពង់ធំ បានចូលរួមកិច្ចប្រជុំការងារសន្តិសុខ សុវត្ថិភាព និងសណ្តាប់ធ្នាប់សាធារណ:សម្រាប់ដំណើរការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ នៅសាលាខេត្តកំពង់ធំ ក្រោមអធិបតីភាពឯកឧត្តម ងួន រតនៈ អភិបាល នៃគណៈអភិបាលខេត្តកំពង់ធំ។ II.ការងារការិយាល័យផលិតកម្ម និងបសុព្យាបាល ១- លោក ចាន់ បញ្ញាវ័ន្ដ ប្រធានការិយាល័យផលិតកម្ម និងបសុព្យាបាលខេត្ត ដឹកនាំមន្ត្រី សហការជាមួយនឹងអាជ្ញាធរមូលដ្ឋាន ចុះស្រាវជ្រាវបាតុភាពរវាងអាជីវករពិឃាតជ្រូក គោក្របី និងអ្នកប្រមូលភាស៊ី នៅឃុំកំពង់ស្វាយ ស្រុកកំពង់ស្វាយ។ ២- មន្ត្រីការិយាល័យផលិតកម្ម និងបសុព្យាបាលខេត្ត សហការជាមួយ ភ្នាក់ងារសុខភាពសត្វភូមិ ចុះតាមដានការងារចិញ្ចឹមសត្វលក្ខណៈគ្រួសារ ជំរុញគាំទ្របច្ចេកទេសបន្ថែមជួនដល់កសិករ ចិញ្ចឹមសត្វ និងប្រើប្រាស់ឡជីវឧស្ម័ន នៅមូលដ្ឋាន ស្រុកកំពង់ស្វាយ។ III.ការងារខណ្ឌរដ្ឋបាលជលផល -លោក​ ជិន​ ស៊ីថា​ នាយខណ្ឌរដ្ឋបាលជលផលកំពង់ធំ​ បានចូលរួមជាគណ:អធិបតីក្នុងពិធីបិទវគ្គបណ្តុះបណ្តាល ស្តីពីបច្ចេកទេសចិញ្ចឹមត្រីក្នុងស្រះជាលក្ខណៈគ្រួសារ ដោយសហការជាមួយ ក្រុមហ៊ុនGFA និងអង្គការយូរីឌូ​ នៅភោជនីយដ្ឋាន ឡូវ គឹមសេង ខេត្តកំពង់ធំ ។ IV. ការងារការិយាល័យអភិវឌ្ឍន៍សហគមន៍កសិកម្ម លោក សុីវ ឈឿន ប្រធានការិយាល័យ បានចូលរួមពិភាក្សា ស្តីពី ការបង្កើតគណ:កម្មាធិការថ្នាក់ស្រុកគ្រប់គ្រងគម្រោងដែលគាំទ្រដោយ Heifer លើសហគមន៍កសិកម្ម ពេលព្រឹក នៅស្រុកតាំងគោក និងស្រុកបារាយណ៍ ។